الله يرحمو…تماس كهربائي يودي بحياة شاب بإقليم شفشاون…التفاصيل

تماس كهربائي يودي بحياة شاب ثلاثيني بدوار بني قاسم جماعة بني رزين إقليم شفشاون.
قبل أذان صلاة الجمعة كان واحد الشاب فعمرو 35 سنة أعزب ماشي مع الطريق يجر بغله وصل لهاد المكان فين كاين هاد الأسلاك كهربائية متساقطة وبغا يبعد السلك الكهربائي ديال الضو من الطريق باش يدوز البغل ديالو لكن للأسف السلك مع الشتا كطيح ضربو الضو مات في الحين إثر صعقة كهربائية من أسلاك ذات ضغط عالي.
تعازينا لأسرة هاد الشاب، إنا لله وإنا إليه راجعون.
للتذكير هدي هي الحالة الثانية من نوعها حيث العام لي فات مات واحد السيد في نفس المكان وبنفس الطريقة، كذلك مات بسبب صعقة من ذات الأسلاك المتلاشية.
إنا لله وإنا إليه راجعون.